ishq ki baazi kabhi hamse lagaa kar dekhiye

A light-hearted Ghazal written in 2003 as I was learning how to write technically sound Ghazals.  On Urdustan.net forums, a misra-e-tarah was given : “kitni vus’at hai hamaare dil meiN aa kar dekhiye”.  The following tarahi ghazal was my attempt:

1. ishq kii baazii kabhii ham se lagaa kar dekhiye
dekhiye, ik baar to aaNkheiN milaa kar dekhiye!

2. dhaRkanoN kii is machaltii raginii par aap bhii!
dheeme dheeme, halke halke, gungunaa kar dekhiye

3. aap kii aaNkhoN meiN ye bechainiyaaN ! kis ke liye??
chhoRiye bazm-e-jahaaN ko! ham pe chhaa kar dekhiye!!

4. ranj-o-gham, jaur-o-sitam, sab kuchh gaNvaaraa hai hameiN!
“kitnii vus’at hai hamaare dil meiN aa kar dekhiye!”

5. intezaar-e-yaar meiN jo lutf hai, us lutf kaa!
aap bhii to ek din nashshaa chhaRhaa kar dekhiye!

6. husn-e-gul kaise nikhartaa hai bataaouN kyaa bhalaa!
bas mirii aaGhosh meiN gir kar, samaa kar dekhiye!!!

7. qatl karnaa hai to phir teGh-o-sinaaN ko chhoRiye
muskuraa kar dekhiye! bas muskuraa kar dekhiye!!

8. kaash vo bhii kah uTheiN haalat ko merii dekh kar
yuuN na “tanhaa” baiThiye! kuchh paas aa kar dekhiye!!

9/23/2003

5 thoughts on “ishq ki baazi kabhi hamse lagaa kar dekhiye

  1. Amit saahab,

    aadaab arz hai!

    is misra-e-tarah meN hamne bhii tabaa-aazmaa’ii kii thii aur us Ghazal kaa eks sher mujhe kaafii pasand bhii hai.

    pahle uske har sitam par dil hii dil meN roiye
    phir usii qaatil sanam ko muskuraa kar dekhiye

    aapkii to Ghazal to bahut Khuub hai, masha Allah. daad haazir hai.

    Khaaksaar,
    Mohib

  2. bhai waah Mohib sahib, sh’er to aapka khoob hai. agar aaye the yahaaN to girah bhi sunaate jaate… chaleiN, isi bahaane shaayad phir aa jaayeinge :)
    as you were “surprised” about people reading your blog, I’m also pleasantly surprised that there are some ppl actually read the stuff here.
    Thanks for coming though… hope we will see you more often.
    Regards,

    Amit Malhotra

  3. lol

    giraah kuch yuuN thii:

    bandisheN vahm-o-gumaaN kii sab haTaa kar dekhiye
    “kitnii vus’at hai hamaare dil meN aakar dekhiye”

  4. bahut khoob girah hai Mohib bhai. daad haazir hai.

    javaab meiN jo taaKheer hui hai uske liye maazrat.

    Amit Malhotra

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code class="" title="" data-url=""> <del datetime=""> <em> <i> <q cite=""> <strike> <strong> <pre class="" title="" data-url=""> <span class="" title="" data-url="">