Maan – By Irfan Abid

A Ghazal that touches your heart everytime you read it by Irfan Abid. You can read more poetry by Abid Sahib, posted all over the web. I haven’t talked to him in a while, but I have always wanted to archive this Ghazal somewhere.. and what better place to put it than my own blog.

“maaN”

qudrat ne jab hamaarii hastii ka biij Daalaa
tab kokh mein tirii hii nau maah ham ko paalaa

phir is jahaaN meN ham ne jab aaNkh apnii kholii
nazroN meN teraa ruKh thaa, kaanoN meN terii bolii

ho goad kii vo narmii yaa haath kii ho shafqat
har pal rahii nichhaavar ham par tirii muhabbat

tuu ne sukuuN ganvaayaa, raatoN kii niind khoii
hone na dii kabhii bhii takliif ham ko koii

terii hii ungliyoN ko pakRaa to chal sake ham
mamtaa ko terii ham ne paayaa to pal sake ham

dunyaa kaa ilm siikhaa, paayaa sha.uur-e-mazhab
donoN jahaaN ke laayaq tere baGhair the kab

piichhe jo dekhte haiN, har samt tuu khaRii hai
ahsaanmand terii, har saans, har ghaRii hai

ik chiiKh par hamaarii fauran vo teraa aanaa
phir sar pe haath rakhnaa, ham ko gale lagaanaa

raatoN ko imtihaaN kii teraa vo saath jagnaa
himmat baRhaate rahnaa, sau sau duaayeN paRhnaa

mamtaa meN terii Duube taazaa vo garm khaane
gaajar ka garm halvaa, bhuTTe ke narm daane

sardii ke vo paraaThe, vo garmiyoN kii lassii
kuchh Khaas hii khilaayaa, mausam ho vo koii bhii

apnii zaruuratoN ko baalaa-e-taaq rakkhaa
ham ko diyaa hai tuu ne, jo kuchh bhi ham ne maaNgaa

KhushiyaaN mileeN jo ham ko, tujh saa na Khush thaa koii
kuchh dard ham ne paayaa, to saath tuu bhii roii

tujh se banii hamaarii aasaan zindagaanii
tuu to judaa hai sab se, teraa nahiiN hai saanii

har har qadam pe tuu ne kitne karam kiye haiN!
jo kuchh haiN aaj, terii mehnat se ham bane haiN

teraa kiyaa kisii ne ab tak kiyaa na hogaa
thoRaa bhii qarz teraa ham se adaa na hogaa

karte haiN terii izzat, tujh se hai pyaar, ai maaN!
qadmoN meN tere apnii hai jaaN nisaar, ai maaN!

maaN! behtariin hai tuu in.aam aasmaaN kaa
yaa rab! rahe salaamat saayaa hamaarii maaN kaa!

By Irfan Abid

bikhre ash’aar (3)

Here are some couplets I read today by Riaz Khairabadi

zaahid sharaab peene de, masjid meiN baiTh kar
yaa vo jagah bataa de jahaaN par Khudaa na ho

Khuda ke haath hai bikna na bikna ma_e kaa ab saaqi
baraabar masjid-e-jaame’ ke ab rakh di dukaaN maiN ne

—————————–

Hasrat Mohani:

nahiiN aati to yaad unki maheenoN bhar nahiiN aati
magar jab yaad aate haiN to aksar yaad aate haiN

bikhre ash’aar (2)

Some ash’aar by Munawwar Rana

siyaasi aadmi ki shakl to pyaari nikaltii hai
magar jab guftagoo karta hai chingaari nikaltii hai

laboN par muskuraahaT dil meiN bezaari nikalti hai
baRe logoN meiN hi aksar ye beemaari nikalti hai

——
balandi der tak kis shaKhs ke hisse meiN rahtii hai
bahut uuNchii imaarat har ghaRi Khatre meiN rahtii hai

bahut jee chaahtaa hai qaid-e-jaaN se ham nikal jaayeiN
tumhaari yaad bhii lekin isi malbe meiN rahtii hai

ye aisaa qarz hai jo maiN adaa kar hi nahiiN saktaa
maiN jab tak ghar na lauTooN meri maaN sajde meiN rahtii hai

kis se poochheiN k maajra kyaa hai?

My first Urdu Ghazal, written in the same meter as Ghalib’s favourite ghazal ‘dil-e-naadaaN tujhe huaa kya hai’. As a matter of fact, the Ghazal is written in the same ‘zameen’, meaning the same ‘radeef’ and the same ‘qaafiya’. I intend on posting articles on my blog in my own words about my understanding of these concepts in Urdu poetry as a lot of my friends always ask me for guidance when it comes to writing in meters. For now, enjoy the Ghazal, which I think, for a first one, was not so bad.

kis se poocheiN k maajaraa kyaa hai?
ye sanam kyaa hai? ye Khudaa kyaa hai?

maiN to aashiq huuN mujh ko kyaa ma’aloom!
ye fanaa kyaa hai? ye baqaa kyaa hai?
[fanaa = mortality, baqaa = immortality]

bas tira Gham hii zindagii merii!
aur duniyaa se vaastaa kyaa hai?

maiN tiraa dost bhii, pujaarii bhii!
aa mire dil meiN! sochtaa kyaa hai?!?

chaNd lamhe haiN aakhir-e-shab ko
zikr-e-waslat meiN yuuN rakkhaa kyaa hai?
[aakhir-e-shab = the end of night, zikr-e-waslat = talk about meeting]

bevafaa! tujh se kyaa shikaayat ho?
zeest ne bhii mujhe diyaa kyaa hai??
[zeest = life]

raaz-e-hastii sa ban gayaa huuN maiN
merii aaNkhoN meiN DhuuNDataa kyaa hai?
[raaz-e-hastii = existence’s secret]

dekh “tanhaa” ko kaise phirtaa hai!
kaun jaane use huaa kyaa hai??

Date September/2002